Kálgarðurinn og nútíma gladíatorar.

 Kálgarðurinn

Þetta var hressandi. Ég var að koma úr hinu árlega Cabbage Patch 10 mílna hlaupi. Það er nú orðið ansi langt síðan ég hef tekið þátt í svona uppákomu en alltaf jafn skemmtilegt og minnistætt. Þetta var sérstaklega spaugilegt þar sem að ég var með náunga klæddan sem "the grim reaper" mest alla leiðina másandi og blásandi fyrir aftan mig. Það verður að segjast að það hafði hvetjandi áhrif. 

Einnig er alltaf yndislegt þegar dagsprúðir Tjallar telja sér vera misboðið eða aðrir ókurteisir, orðaforðinn virðist stundum vera í andfasa við útlit fólks. Kurteisismenningin hérna er sjálfleiðréttandi, það er nokkuð ljóst að ég myndi halda mig til hlés, og taka mental note, ef einhver knúsleg amma myndi taka mig á teppið fyrir framan fagnandi mannfjölda.

Rugby 

Ég er orðinn rugby fan. Þetta er hrikalegt sport. Ég myndi að vísu ekki kæra mig um að spila það sjálfur og mig grunar að Guttormur í húsdýragarðinum myndi ekki heldur lítast á blikuna andspænis  þessum hellisbúum.

Það sem hefur kveikt áhuga minn er í fyrsta lagi morbid bið eftir því að einhver slasi sig, biðin er yfirleitt ekki löng enda skriðþunginn gríðarlegur.

Í öðru lagi þá er þetta mikið herramanns sport. Það kann hljóma einkennilega miðað við testósterónflóðið á vellinum en það er dagsatt. Í rugby deilir enginn við dómarann, ef menn gera það þá er þeim refstað, t.d. færðir aftur á vellinum. (Og ef leikmanni er sama um það þá hinum hellisbúunum í liðinu á mæta... í sturtunni eftir leik...) 

Og síðast en ekki síst þá eru menn ekki að gera sér upp meiðsli eða setja upp lélega leikþætti, ólíkt öðrum íþróttagreinum. Ef þeir liggja meiddir þá eru þeir alveg rosalega klessukeyrðir.

England vann einmitt erkifjendur sína, Le Frogs, í gærkvöldi og komst þar með í úrslitaleikinn í heimsbikarkeppninni næsta laugardag. Það verður fjör á pöbbnum í Tyrklandi næsta laugardag, áfram England!

Athugasemdir

[María Björg Ágústsdóttir, 16.10.2007 kl. 21:15]

Sæll og blessaður big bro og velkominn! Skellirðu þér bara í 10 mílna hlaup svona sí sona? Unnur Johnsen er að reyna að plata mig í 10km hlaup í nóvember...ég hef aldrei nokkurn tímann hlaupið neitt í líkingu við þá lengd...!  15 mínútna hlaup kalla ég bara nokkuð gott fyrir mig...